Dance Me Career Kaise Banaye Special Gyan

Dance Mai Career Kaise Banaye Special Gyan

Dance sikhana matlab Choreographer banana aaj kal yuvaon ki pasand ban raha hai. Yeh ek paisa aur naam dene wala career hai aur film industries mein acche choreographer ki demand raat din badhati jaa rahi hai. Lekin ismay career banane ki sochne se pehle yeh jaan len ki choreography keval dance karna hi nahi hai balki dusron ko naye tarah ka dance sikhana hai. Isliye sab tarah ke dance, dancing steps aur dance ko har tarah ke music par kar sakna hi choreography hai. Chaliye jane Dance Mai Career Kaise Kare Choreographer Kaise Bane

Dance Mai Career kaise Banaye specialgyan – कोरियोग्राफर कैसे बने स्पेशल ग्यान

Kuchh logo ko bachpan se hi dance karne ka bahut saukh hota hain. Ayese log bachpan se dance sikhte hain ya ayse bhi unn logo ko bahut accha dance aata. Jo log dance main mahir hote hain un logo ke ghar main bhi bahut sare dance competition’s main jeeti hui trophies hoti hain. Ayese log bare hokar bhi apni dance ko continue rakhna chahte hain aur dance main apna career banana chahte hain. Lekin jin logo ko yeh acchi tarah se pata hi nahi hota ki unhe dance main career banane ke liye kya kya karne ki jarurat hain unn logo ka sapna toh adhura hi rah jata hain.

Lekin humara sawal yeh hain ki agar hunar aur jajba hain toh kyu humara sapna adhura rahe. Aaj hum apne iss post main aap logo ko yeh batayenge ki hum dance main apna career banane ke liye kya kya tarika apna sakte hain. Aap logo ko bas humare iss post main diye gaye kuchh tricks ko dhyan se padhne ki aur follow karne ki zarurat hain. Yakin maniye inn tricks ko follow karke aap log dance main apna career banane main kamyab jarur ho jayenge.

Dance main career kaise banaye

Apne dance ko humesha continue rakhe
Important Thing

Aapko agar dance karne main intrest hain aur aap dance main apna career banana chahte hain toh aap apne dance ko kabhi bhi band mat rakhiye. Humara kehne ka matlab hain ki aap ho sake toh roj ya do teen din ke baad baad apne ghar main hi dance ki practice kariye. Aap agar chahe toh ek kamre ko lock karke uss kamre main apne dance ki practice kar sakte hain. Aap agar apne dance ko ek dam se band na karke usko continue rakhenge toh aapko dance main experience bana rahega aur aapko dance karne main kisi bhi tarah ki guilt ka ehsaas nahi hoga.

School, college Main ho rahi dance competitions main bhag le

Agar aap dance main apna career banane main interested hain to aap school, college aur baki chote mote functions main hone wale dance compititons main bhag lete rahe. Ayse chote mote compititons main bhag lete rahne se aapki embarrassment wali feeling khatam ho jayegi aur jab aapko kisike samne dance karne se embarrassment ka ehsaas nahi hoga tab aap apne dance ko khul ke kar payenge aur dance main apna career banane main aur dance ki duniya main apni ek jagah banane main kamyab ho jayenge.

Dance class join kare

Agar aap dance main apna career banana chahte hain toh iss ke liye aapka dance main mahir hona bahut zaruri hain. Aur main apne aap ko pakka aur nipun banane ke liye aap log ek dance class join kar sakte hain. Aysa karne se dance ke prati aapka junun aur dance main aapka knowledge dono ka fayda hoga. Aur tabhi aap dance ke liye perfect mane jayenge.

Choreographer kaise bane specialgyan

Choreographer banne ke liye jaroori hai ki aap ko dance karne ka bahut shauk ho. Iske liye sabse pehle aap kisi acche dance school mein admission le aur dance ke basic steps ko jaan len jisse kisi ke bhi samne app kuch dance kar ke bata saken. Ab dance ki padhai karni hogi. Choreography ko sikhane ke liye har jagah School ya University nahin hai isliye apko kuch jaghon par uplabdh dance ki hi sansthaon mein admission lena hoga. Kuch popuar sansthayen jo choreography sikhati hain Sangeet Natak Akadami, New Delhi, Natya Institute of Kathak and Choreography Banglore, Faculty of Arts in University Mysore, School of Fine Arts and Music, Indore,  Kurukshetra University,  Mahatma Gandhi Mission Sangeet Academy Aurangabad,  Shivaji University Kolhapur, Girls College Indore, FLAME school of Arts Pune, Banaras Hindu University Varanasi,  Capital college of fine Arts, Raj. dance Academy Deoria, New Delhi aadi hain.

Private Institute mein jaake dance sikhyen

Jab aap government ke in insttitute se dance mein degree ya diploma le len to yeh mat samajhiye ki apki dance ki padhai puri ho gayi hai. Iskay baad app private sansthano se dance ki padhai karen. Kuch pramukh sansthaan jo choreography sikhate hain unke naam hain The Danceworx Performing Arts Academy, Mumbai, aur New Delhi,  Shiamak Davar Istitute for performing Arts, Mumbai, Shruti Sangeet Vidyalaya Jalgaon aadi hain.

Mumbai ke kisi group ko join karen

Jab aap private institute se bhi dance seekh le uskey baad aap mumbai ke kisi dance group ko join kar len. Waisay to dance group har jagah hote hain par mumbai mein rehkar aap produce aur directors se sampark bhi kar sakte hain isliye dance mein career banane ke liye mumbai hi sabse sahi jagah hai.

Job mein jyada se jyada seekhen

Apne itna seekha hai iska matlab yeh nahin ki aap apne apko sabse accha choreoghrapher samajhne lagen. Yaad rakhen padhai ke dauran seekhne mein aur job karte samay seekhne mein bahut antar hota hai. Isliye jab aap dance group join karen to aap jyada se jyada anubhav lene ki koshish karen.

Video cds se try kare

Aap kuch foreign choreographer ke dances ki cds khareed len. Jab aap khaali hon to aap dance ki cds chalakar unkay steps ko note karen aur sochen ki is step mein aur kya naya ho sakta hai. Yeh sabhi naye step jo aap bana rahe hain usay aap akele mein perform karke apne video camera mein record kar len jisse ki aap yeh dance steps bhulenge nahi aur samay par aap kisi producer aur director ko woh steps karke dikha sakte hain.

Produce aur Director se contact banaye

Jab apko yakin ho jaaye ki kisi gaane ki choreography aap kar sakte hain aur aapke paas bahut jyada naye dance steps hain tab aap film producer aur director se contact kare aur unhe pehli mulakat mein hi who dance step dikhayen ki film produce aur directors aap se impress huye bina nahin rah sake aur apko ki choreography karne ka avsar den. Waise to anek film produce acche choreographer ki talash karte hain par kuch bade banner jinke saath kam karke aap apna future sanvar sakte hain Balaji telefilms, Mukta Arts, Eros International,  UTV Motion Piictures, Bhansali Productions, Yash Raj Productions, Dharma Praoductions, Vishesh Films, Rajshri Productions hain.

Salary Kya Hoti Hain

Is career mein anubhav ke aadhar par salary milte hai. Ek fresher choreographer ke taur par 400 se 500 rupay prati ghanta prapt karta hai jabki kuch anubhav ho jaane par choreoghrapher ko 2000 rupay prati ghante tak mil jaate hain.Film industries se jude anubhavi aur safal choreographer ek saal mein 20 lakh rupay tak kama lete hain.

Upar diye gaye post ko padhkar aap logo ko yeh acchi tarah se samajh main aa gaya hoga ki hum dance main career kaise bana sakte hain ya dance main career banane ke liye hum kin kin tariko ko apna sakte hain. Hum toh aap logo se bas yahi kahenge ki apne iss passion ko ayese hi thanda ho jane mat dijiye aur kuchh saral aur asan tariko ko follow karke aap log apne iss dance main career banane ke sapne ko pura kar lijiye.